​Svanabygget er hovudblokka på Førde sentralsjukehus, og her presenterer vi eit utval av kunstverka som er å finne i dette bygget.

Vi inviterer deg til å ta ein tur mellom farger, former, materialer, lys og skugge for å bli betre kjend med kunstverka og kunstnarane som vi er både stolte og takknemlige for å kunne presentere​.

Det vart laga 250 trykk av verket "Dirty Dancing", der første halvdel av trykka blei gitt til alle sjukehusa i Noreg som eit teikn på takksemd ovanfor helsepersonell i høve pandemien.

Om kunstnaren Nils Aas

Kunstverk av Ludvig Eikaas

Ludvig Eikaas frå Jølster var ein av etterkrigstida i Noreg sin mest markante biletkunstnar. Han var både grafikar, målar, skulptør og konseptkunstnar, og var kjend som ein utprøvande og spontan kunstnar som aldri slo seg til ro med ein teknikk og eitt bestemt uttrykk. Dette kunstverket gjorde han ved hjelp av Gunhild Bakke, Agnete Erichsen og Hanne Nielsen.

Om kunstnaren Ludvig Eikaas

Kunstverk av Odd Gjerstad og Steinar Christensen

Gjennombrudd er eit kunstverk utarbeidd av den norske billedhoggaren og postkonseptualisten Steinar Christensen, saman med keramikaren Odd Gjerstad. Verket heng i restauranten i hovudblokka, 1. etasje.

Om kunstnarane Gjerstad og Christensen

Kunstverk av Reidun Færøy Bergstrøm

Dei keramiske kunstverka til Reidun Færøy Bergstrøm fortel historier vi kjenner oss igjen i. Skulpturen tek deg med på eit eventyr. Bergstrøm sin kunst er utstilt i fleire offentlege rom, som i den ny-restaurerte vestibyla til Lærdal sjukehus.

Kunstverk av Jane Balsgård

Med poetisk lettheit har Jane Balsgaard (f. 1939) skapt eit sjølvstendig billedspråk der både haldning og estetikk nærmar seg naturfolkeleg eksistens. Balsgaard sitt arbeid uttrykker ein samhøyrigheit med samlar- og jegerfolket sin mentalitet. 

Kunstverk av Svein Tenol-Tuxen

Tenol-Tuxen (1920-2008) var ein Norsk billedkunstnar, musikar og komponist. Tenol-Tuxen blei utdanna som fiolinist ved Musikk-konservatoriet i Oslo i 1937. Han var aktiv i Sogn Symfoniorkester og komponerte blant anna stykket "Vidda". Kunstverka hans er kjøpt inn av blant andre Fylkesgalleriet i Sogn og Fjordane, Norsk kulturråd og Sentralsjukehuset i Førde.