Parker gratis i Helse Førde
Som pasient eller pårørande kan du parkere gratis ved Helse Førde sine institusjonar. Ved Førde sentralsjukehus blir det innført parkeringskontroll. Parkerer du feil kan du få eit parkeringsgebyr.
PARKERING ER GRATIS ved alle Helse Førde sine institusjonar. Ved Førde sentralsjukehus blir det innført parkeringskontroll. Ved feil parkering kan du få eit parkeringsgebyr.
Parkering ved Førde sentralsjukehus
Førde sentralsjukehus har sett av hundre parkeringsplassar berre for pasientar og pårørande. Bommen ved pasientparkeringa opnar seg automatisk. Er alle desse plassane opptekne, er det fleire parkeringsområde rundt Førde sentralsjukehus. Ledige plassar på desse områda kan òg nyttast av besøkande.
BLODGJEVARAR og RØRSLEHEMMA har eigne parkeringsplassar mellom anna framfor hovudinngangen og rundt om på sjukehuset sitt område. Dei som kan parkere her, har eige parkeringsløyve. Utan slikt løyve er parkering rekna som ugyldig.
Ordinær parkering for pasientar og pårørande:
Parkeringsplassen er inn frå Svanehaugvegen. Sjå blått område på kartet.
Oversikt over parkringsområde på Førde sentralsjukehus sitt område.
Tal parkeringsplassar ved Førde sentralsjukehus
Pasient/pårørande parkering 100
Ordinær parkering 700
Parkering for rørslehemma 29
Ladepunkt for elbil 11
KORTTIDSPARKERING: Ved hovudinngangen til sjukehuset er det parkering for av- og påstiging, maks 15 minutt.
Korttidsparkering ved hovudinngangen på Førde sentralsjukehus.
Bruk av ladepunkt
På Førde sentralsjukehus er det sett opp ladepunkt for elbil. Køyretøy skal berre stå der under lading.
Parkeringsgebyr ved feilparkering
Feil parkering som kan medføre parkeringsgebyr:
• Parkering lenger en 15 minutt på korttidsparkering.
• Parkering på handikap eller reserverte parkeringsplassar utan oblat/løyve.
• Parkering utanfor oppmerka plassar.
• Parkering i ladepunkt utan tilkopling til straum.
• Parkering på skraverte felt.
Storleiken på parkeringsgebyret.
Feilparkering: Kroner 600,-
Ugyldig parkering: Kroner 900,-
Feilparkerte køyretøy kan bli fjerna på eigar si rekning.
Rett til å klage på parkeringsgebyr
Har du fått eit parkeringsgebyr etter § 36 eller fått køyretøyet ditt fjerna etter § 38 i parkeringsforskrifta, og meiner at sanksjonen er urimeleg eller feil kan du klage til Helse Førde. Dersom du kan synleggjere dette med foto eller anna dokumentasjon som styrkjer saka di, er det viktig at du legg dette ved klagen.
Send klagen via portal/nettside www.p-klage.no
eller per post til: Helse Førde HF, Postboks 1000, 6807 Førde
Du får svar på klagen din innan tre (3) veker.