Skriv ut Skjeling, operasjon

Vel utskrift fra denne sida

Vel alt

Skjeling, operasjon

Augeavdeling

Synsaksane er vanlegvis parallelle, og bileta av ting ein ser på, treff då i samsvarande område på netthinna i begge auga. Ved skjegling er ikkje synsaksane parallelle og peiker ikkje mot same punkt. Skarpsyns-området i dei to auga vil dermed oppfatte to ulike bilete. Dette aksepterer ikkje hjernen, og ved konstant skjegling hos barn vil då det eine bildet undertrykkast, og det eine auget vil kunne bli svaksynt (amblyopt).

Innleiing

Etter 7-8 års alder forsvinn denne evna, og ein vil då ved skjeling kunne få dobbeltsyn, som kan vere svært sjenerande. Dei som ikkje har konstant skjegling, vil ha andre problem som til dømes hovudpine ved lesing.

Ved ein skjegleoperasjon flyttar ein på dei musklane som styrer rørsla av auga på eit eller begge auga, for å få auga til å stå parallelt. Det er mange ulike typar skjegling, difor må kvar einskild pasient behandlast individuelt med eige opplegg.

Fastlege eller anna helseteneste som tilviser til utgreiing

1. Før

Kvelden før du skal til operasjon, må du dusje og vaske håret. Du må ikkje ete eller drikke etter klokka 02.00, dersom du skal ha narkose under operasjonen neste dag. Dette gjeld også tyggegummi, drops og røyk. Du kan drikke små slurkar med vatn fram til to timar før narkosestart.

Nokre gongar blir ein innlagd på sjukehuset dagen før operasjonen. I så fall står det i innkallingsbrevet. Ta kontakt med augepoliklinikk, sjukepleiar dersom noko er uklart.

2. Under

Du møter til den tida og på den avdelinga som står i innkallingsbrevet. Det kan hende du får tilsendt ein krem med plaster, som du skal ha oppå handbaken. Følg instruksjonane i brevet.

Dei medisinane du brukar, må du ta med til sjukehuset.

Når du møter vil du bli tatt imot av ein anestesisjukepleiar, som vil starte med førebuingane til operasjonen. Du vil få innlagt ein veneflon (kanyle) i armen din, slik at medisinen får ein veg inn i kroppen. Du vil og få ein medisin som gjer at du føler deg litt trøytt, før du blir følgd til operasjonsavdelinga.

Når du kjem til operasjonsavdelinga må du over i ei anna seng. Du skal ligge flatt under operasjonen, men vi passar på at du ikkje vert kald eller ligg vondt, sjølv om du søv. Du blir her tatt imot og passa på av dei som skal gje deg medisinar slik at du skal sove. Om du har med deg nokon vaksne/pårørande kan dei vere med deg heilt til du har sovna.

Lengda på operasjonen er litt ulik, men pårørande får beskjed så snart operasjonen er ferdig, og pasienten blir flytta til oppvakningsavdelinga. Det er mogeleg at du har fått ein bandasje på auget ditt når du vaknar etter operasjonen, denne skal vere på til neste dag. (Gjeld som regel ikkje for barn under 8 år) .

Vaksne pasientar kan av og til bli operert med lokalbedøvelse, utan full narkose.

Du vil bli kontrollert av augelege dagen etter operasjonen, og får med time til ny kontroll hos augelege etter omlag seks veker.

Etter operasjonen skal du dryppe deg med augedråpar i ca. 4 veker.

3. Etter

Du kan vanlegvis reise heim dagen etter at du er operert. Barn bør vere vekke frå barnehage/skule i 4-5 dagar etter operasjonen. Barn som vert operert tysdag/onsdag, kan som oftast gå i barnehage/på skule måndagen etter.

Vaksne pasientar vert sjukmelde i 1-2 veker, men dette kan variere (avhengig av yrke).

Du bør unngå å vere ute dei første 3-4 dagane etter operasjonen, på grunn av faren for å få rusk på auget. Barn kan eventuelt ta småturar med foreldre der ein ikkje kjem i kontakt med rusk (butikken, besøk etc.). Deretter vere forsiktig i 2-3 veker.

Du bør unngå å bade i klorvatn dei første 4 vekene etter operasjonen.

Det er viktig at du drypper augene slik som legen har informert om, for å unngå infeksjon i auget. Dersom det oppstår komplikasjonar som til dømes aukande puss frå augene, ta kontakt med oss.

Kontaktinformasjon

Augeavdeling
Telefon: 57 83 91 23
E-post: post@helse-forde.no
Postadresse: Helse Førde, augeavdelinga, postboks 1000, 6807 Førde.

Førde sentralsjukehus
Besøksadresse: Svanehaugvegen 2(Kart); Svanehaugvegen 2, 6812 Førde
Telefon: 57 83 90 00; Telefontider og resepsjonen er bemanna heile døgnet.
E-post: post@helse-forde.no

Transport til Førde sentralsjukehus

Buss

Det går regelmessig rutebussar mellom Førde Sentralsjukehus og Førde Rutebilstasjon.

På nettsidene til Kringom.no finn du bussruter med oversikt over stoppestadar og tider for Sogn og Fjordane.

Frå Førde er det også gode bussamband til Bergen, Oslo, Ålesund og Trondheim.

Flybuss

Det går direkte flybuss frå Førde Lufthamn Bringeland til Førde Sentralsjukehus for alle fly som landar. Frå Førde Sentralsjukehus går flybussen 70 minutt før alle flyavgangar.

Parkering

Det er mogleg å parkere gratis på sjukehusområdet for pasientar og besøkande.

Taxi

Drosjesentralen i Førde er om lag 100 meter frå Rutebilstasjonen. Ved behov er våre tilsette i resepsjonen tilgjengelege 24 timar i døgnet og kan bestille taxi til deg.

Praktisk informasjon

Apotek

Ved Førde sentralsjukehus finn du Sjukehusapoteka Vest HF si avdeling i Sogn og Fjordane.

Apoteket gjev tilbod til alle nyutskrivne og polikliniske pasientar ved Førde Sentralsjukehus, samt alle tilsette og besøkande. Sjukehusapoteket er altså open for alle.

På veg heim frå sjukehuset kan pasientar få med seg alt dei treng av legemiddel og utstyr for vidare behandling heime. I tillegg har apoteket eit stort og variert utval av reseptfrie legemiddel, hudpleiemiddel, kost- og ernæringsmiddel samt andre apotekvarer.

Apoteket gjer klar legemidla medan du ventar og gjev råd om korleis du skal bruke dei på rett måte.

Apoteket forsyner dei fleste avdelingane i Helse Førde med legemiddel, apotekvarer og farmasøytiske tenester og gjev farmasøytisk rådgjeving til mange kommunar i Sogn og Fjordane.

Bank

Du finn banktenester i 1. etasje.

Sparebanken Sogn og Fjordane har terminal for kontantuttak og terminal for å nytte nettbank.

Blomar

Du finn eige utsal av blomar. Det er Astri Blomster som sel blomar til pasientar og pårørande, og elles til besøkjande ved sjukehuset.

NB:
Det er ikkje høve til å ta med potteplantar, avskorne blomar og tørka blomar i postoperative overvakingseiningar, intensivavdelingar og fødestover.

Eigendel på sjukehus og poliklinikk

For å få behandling ved sjukehus eller poliklinikk må du i utgangspunktet vere tilvist frå lege, kiropraktor eller manuell teapeut. Har du trong for legehjelp skal du ringe fastlegen din eller den kommunale legevakta.

Les meir om eigendelar på helsenorge.no

Foto og film

Mange pasientar og pårørande ønskjer å ta bilete eller video som eit minne frå tida på sjukehuset. Då kan det vere lurt å hugse nokre reglar.

Det er sjølvsagt heilt greitt så lenge det er pasientane og/eller pårørande og vener som er på bileta.

Det er likevel ikkje lov å ta bilete av medpasientar eller tilsette. Vi har hatt tilfeller der bilete av medpasientar/tilsette er blitt publisert i digitale media utan deira godkjenning.

Vi håper alle viser respekt for personvernet til alle dei møter under besøket på sjukehuset og avgrensar fotografering til å gjelde eigen familie og vener.

Kiosk

Ved Nordfjord sjukehus og Førde sentralsjukehus finn du kiosk der du kan kjøpe aviser og andre kioskvarer.

Ved Førde sentralsjukehus kan du også levere kupongar til Norsk Tipping sine spel.

Mattilbod i Helse Førde

Alle dei tre sjukehusa i Helse Førde har kantiner som tilsette, pasientar og pårørande kan nytte.

Kantinene på Lærdal sjukehus og Nordfjord sjukehus finn du i underetasjen.

Hovudkantina ved Førde sentralsjukehus ligg i 2. etasje. I Førde finn du også ein pasientkafe i 1. etasje innanfor resepsjonen. Denne har opningstid fram til klokka 19.00 frå måndag til fredag. I denne kafèen kan du no også kjøpe varm mat.

Kantina ved Indre Sogn psykiatrisenter er open alle dagar frå klokka 10.00-13.30.

Kantina på Tronvik er open for tilsette og beburar.

Mobiltelefon

Du kan nytte mobiltelefon ved sjukehusa. Vi oppfordrar likevel alle til å bruke mobilvett og ta omsyn til medpasientar.

Det er viktig å sette telefonen på stille om natta, og på stilleringing eller vibrering om dagen. Av omsyn til dei andre pasientane er det best å gå ut av rommet dersom du må ta ein lengre samtale.

Vi ber om at du inne på pasientrommet ikkje snakkar eller har lyd på mobilen i tidsrommet etter klokka 21.30 til klokka 08.00 neste dag.

Det er gratis trådlaust nettverk for pasientar, pårørande og besøkande på sjukehusa. Dette kan du kople deg til frå din smarttelefon.

Parkering FSS

Det er sett av 99 parkeringsplassar som er eksklusive for pasientar og pårørande (sjå raudt område på kartet). All parkering ved alle Helse Førde sine institusjonar er gratis, men det blir gitt parkeringsbot ved feilparkering. Ein må følge skiltinga rundt Førde sentralsjukehus.

På to parkeringsplassar ved Førde sentralsjukehus er det automat for parkeringsbillett. Eller pasientar kan nytte parkeringsbeviset som er tilsendt ved innkalling.

Pårørande kan nytte automaten til å ta kontakt med resepsjonen inne på sjukehuset. Pårørande må då gi beskjed om kven de skal besøke på sjukehuset for så å få ein billett frå automaten.

Blodgjevarar har eigne parkeringsplassar og må nytte eige parkeringsbevis som blodgjevarar får.

Pasienthotell

I 7. etasje har Førde sentralsjukehus eige pasienthote.

Pasienthotellet har 21 senger. Dei er fordelt på sju enkle rom og sju doble rom. Alle romma er tilpassa rullestolbrukarar.

Trådlaust nett - internett

Alle somatiske sengepostar i Helse Førde har trådlaust gjestenettverk. Dette er gratis for pasientar, pårørande og besøkande.

Du kan ta med bærbar PC, mobiltelefon og nettbrett og nytte vårt gjestenett uten kostnad.

Passord på SMS

Du som ønskjer å nytte internett blir beden om å legge inn mobilnummeret ditt. Du treng ikkje gje opp andre opplysningar enn det. Brukarnamn og passord får du tilsendt som ei tekstmelding.

Tilgangen du får til internett varer i 31 dagar før du treng å be om nytt passord på innloggingssida.

Årsaka til innlogging er krav til tryggleik i sjukehusnettverket og er same type løysing som du finn på flyplassar og hotell.

Ta kontakt med resepsjonen eller avdelinga for meir informasjon.

Visittider Førde sentralsjukehus

Akuttmedisin:
Etter avtale på telefon 57 83 90 82.

Barneavdeling:
Visittider sengeposten 5. etg: Kontakt personale på vaktrommet.

Kirurgisk:
Visittider sengepost 12.30-13.30 og 18.30-19.30.

Kreft:
Visittider sengepost: Har ikkje faste visittider. Ta kontakt med vaktrommet.

Kvinneklinikken:
Far eller annan nær omsorgsperson samt søsken til barnet kan kome når dei ønskjer utanom kviletid klokka 13.00-15.00. Andre besøkande kan takast i mot utanfor avdelinga.

Medisinsk:
Visittider medisinsk sengepost 14.30-15.30 og 19.00-19.45. Til eineromma: Etter avtale.

Nevrologisk:
Ikkje fast visitttid. Pårørande og andre er alltid velkomne.

Ortopedisk:
13.30-16.00 og 17.30-19.30.

Fann du det du leita etter?

Tilbakemeldinga vil ikkje bli svart på. Ikkje send personleg informasjon, for eksempel epost, telefonnummer eller personnummer.

Ja Nei