Behandling, Tapping av væske og kortisonbehandling i ledd.
Leddpunksjon
Ved revmatologiske sjukdommar kan det oppstå hevelse i ledd på grunn av betennelse/sjukdomsaktivitet. Årsaka til hevelsen er som regel auka mengde leddvæske. Vi kan tappe leddvæske og sette ei sprøyte med kortison for å behandle betente og hovne ledd.Leddtapping blir gjort for å fjerne leddvæske i eit betent ledd. Du får mindre smerte etter leddtapping. Nokre gonger tapper vi leddvæske som del i ei utgreiing når vi ikkje kjenner årsaka til leddhevelsen. Når det ikkje er mistanke om bakteriell årsak, vil ein vanlegvis samtidig få sett inn steroid i leddet som behandling for å dempe betennelsen og hindre at hevelsen kjem tilbake.
Før
Ved leddpunksjon i anklar/kne/hofter kan det vere lurt å ta med krykker. Utover det er det ingen førebuingar.
Under
Etter
Etter behandlinga kan du reise heim. Avhengig av kva ledd som blir punktert, kan du bli bedt om å avlaste leddet i etterkant. Nokre opplever smerter etter behandlinga, og andre ikkje. Dette kan avhenge av kva ledd som er behandla.
Ver merksam
Ein svært sjeldan komplikasjon ved leddtappingar er bakteriell infeksjon. Dersom leddet etter tapping blir meir hovent, smertefullt, raudt eller varmt, eller dersom du får feber, må du kontakte poliklinikken eller ein annan lege.
Kontakt
Førde sentralsjukehus
Ortopedisk avdeling
Førde sentralsjukehus
Svanehaugvegen 2
6812 Førde