Behandling
Hengande augelok - operasjon
Har du hengande øvre augelokk som innskrenkar synsfeltet, kan du få utført ptosekirurgi.Hengande augelokk kan vere medfødt eller erverva. Dei fleste inngrep gjeng føre seg i lokalbedøving. Barn blir operert i narkose.
Før
Ved forundersøkinga vil du bli informert om operasjonen, forløp og eventuelle komplikasjonar som kan oppstå.
Til deg som bruker blodfortynnande
- Det er vanleg å slutte med Albyl, Plavix, Ticlid og Persantin sju dagar før operasjonen og Marevan tre dagar før operasjonen
- Dersom du bruker Marevan eller annan blodfortynnande medisin, må du snakke med fastlegen din før du sluttar med tablettane
- Dagen etter operasjonen startar du med blodfortynnande som før
Under
Operasjonsmetode er avhengig av kor mykje augelokket heng ned, og kor mykje du klarer å løfte opp augelokket.
Ein vanleg metode er å opne huda på augelokket og stramme opp / forkorte løftemuskelen.
Ein annan metode, når ein ikkje klarer å løfte augelokket, er å plassere ein tråd under huda frå over augebrynet og ned i augelokket. Då løfter ein augelokket ved hjelp av pannemuskulaturen (sjå bilde).
Etter
- Når du kjem heim, lønner det seg å kjøle ned det opererte området med for eksempel isbitar i ein klut for å unngå hevelse og bløding
- Unngå fysisk aktivitet der du pressar deg, dei første dagane
- Bandasjen fjernar du sjølv etter eit par dagar
- Stinga (suturane) blir som oftast fjerna av kirurgen etter ei veke, om ikkje kirurgen har bestemt noko anna
- Etter operasjonen får nokre pasientar med seg antibiotika augedropar/-salve, som skal bli brukt så ofte og lenge som kirurgen har bestemt
- Det er ikkje uvanleg at det er forskjellig høgde på augespalta (avstanden mellom øvre og nedre augelokkskant) etter slike inngrep. Ein prøver å unngå å stramme augelokket så mykje opp at det oppstår uttørking av auget på grunn av lukkingsdefekt. Mange vil likevel ha nytte av kunstige augedropar/-salve ved tørrleiksproblem
- NB! Du må ikkje køyre bil etter augeoperasjonar
Ver merksam
Det er vanleg med blåleg misfarging og hevelse av augelokket etter operasjonen. Dette forsvinn vanlegvis etter eit par veker. Ein sjeldan gong kan det bli infeksjon i operasjonssåret.
Når vi strammer opp augelokket er det ikkje alltid at augelokket kommer like høgt som på den andre siden. Dette kan være tilsikta. Ved å stramme augelokket for mykje blir det vanskelegare å lukke, og dermed kan ein oppleve tørt auge som kan gje betennelse på sjølve auget.
Kontakt
Førde sentralsjukehus
Augeavdeling
Kontakt Augeavdeling
Oppmøtestad
Finne informasjonen som står i innkallingsbrevet.Førde sentralsjukehus
Svanehaugvegen 2
6812 Førde