Behandling
Grå stær operasjon (katarakt)
Ved grå stær (katarakt) har linsa i auge blitt uklar og fører til svekka syn. Den einaste form for behandling er operasjon. Under operasjonen blir linsa fjerna og erstatta med ei ny klar linse av kunststoff.
Dersom auga elles er normalt, oppnår over 95% av pasientane vanlegvis normalt eller tilnærma normalt syn etter operasjonen. Om du har anna sjukdom i auge, vil det kunne avgrensa kor godt synet kan bli etter operasjonen.
Før
Augedropar som inneheld pilokarpin skal du unngå om morgonen på operasjonsdagen. Det er viktig at du dusjar, har på deg reine klede og ikkje bruker sminke. Skal du ha narkose, må du møte fastande.
Under
Augelegen operera under mikroskop. Dette gir eit sterkt lys, som kan opplevast litt ubehageleg i starten. Normalt venner man seg raskt til det sterke lyset.
Under operasjonen blir linsa i auge ditt fjerna. Kapselen eller hinna som ligg rundt den blir normalt bevart. Deretter får du ei ny klar linse av kunststoff, vanlegvis på same stad som di eiga linse var. Sjølve inngrepet tek cirka 15 minutt.
Etter
Etter operasjonen blir det lagt eit skjold over auge, som du skal behalde fram til du begynner å drype auget. Informasjon om dryp blir gitt både skriftleg og munnleg innan du reiser.
Du kan ikkje køyre bil sjølv etter operasjonen.
Laser kan i enkelte tilfelle brukast som etterbehandling.
Kontakt
Førde sentralsjukehus
Augeavdeling
Oppmøtestad
Finne informasjonen som står i innkallingsbrevet.![En stor bygning med en stor plen foran seg](/4ab323/contentassets/1f1aedd984944829985eedfaeac49b2b/fss---med-handa.jpg?format=webp&width=512&height=293&quality=80)
Førde sentralsjukehus
Svanehaugvegen 2
6812 Førde