Vi tilrår at du alltid nyttar siste versjon av nettlesaren din.

Fjerning av visdomstenner

Visdomstenner kjem ofte ikkje fram i munnen på grunn av plassmangel eller feilstilling. Dette kan gje fare for kronisk betennelse og annan skade.

Visdomstennene er dei siste som bryt fram, normalt i 17-18-årsalderen. Nokre gonger kan dei bryte litt igjennom slimhinna, andre gonger blir dei verande i kjevebeinet. Dette kan føre til både betennelse, karies og andre sjukdomar. Om visdomstennene er brotne fram og fungerer fint, er det inga grunn til å fjerne dei. Om det oppstår infeksjon, karies, betennelse eller andre tilhøve, kan det vere grunn til å fjerna visdomstennene.

 

Ved tilvising til spesialisthelseteneste må følgjande bli tatt med:
  
  • Sjukehistorie
  • Grunn for tilvising til sjukehus
  • Røntgenbilete
  
Vanlege visdomstenner blir fjerna ved primærtannlege.     
   
Føresetnad for vurdering av indikasjon for fjerning av visdomstenner er eit røntgenbilete (OPG). Dei aller fleste visdomstenner blir fjerna i lokal bedøving, men ved vanskelege lokale førehald (redusert munnopning), dårleg tilgang, engstelege pasientar eller akutte situasjonar (infeksjon) kan ein behandling i narkose vere aktuelt. 
  

Indikasjon for sjukehusbehandling:

  • Medisinsk grunnliding
  • Komorbiditet
  • Stråling mot kjeve
  • Immunsupprimerte
  • Røntgenfunn
  • Symptomer
  • Alder
  • Psykisk belastning/alvoreige psykiske problemer
  • Barn som kan bli behandla i narkose
  


 

Før

Før operasjonen vil du ha ein samtale med tannlegen som skal operere deg. Det er også aktuelt å ta røntgen av kjeven.



 

Under

Enkel tanntrekking

Visdomstenner kan i nokre tilfelle fjernast i lokalbedøving. Når tanna er ute lukkes hòlet i slimhinna. Behandlinga vert gjort på poliklinikken og gjev sjeldan problem etterpå.

Mindre operasjon

Om visdomstennene ligg skeivt og/eller nedgravne i kjevebeinet, vert dei fjerna ved operasjon i lokalbedøving. Då kan du få smertestillande og antibiotika før operasjonen for å minske risikoen for smerter, hevelse og infeksjon etterpå. Operasjonen vert gjort på poliklinikken. Etter operasjonen må du rekne med litt hevelse og ubehag.

Operasjon i narkose

Ved vanskeleg leie eller andre helsesituasjonar kan det vere aktuelt å gjere operasjonen i narkose.

Etter

Etter ei veke skal du til kontroll hos tannlegen som har tilvist deg til sjukehuset. I enkelte tilfelle vert kontrollen gjort ved poliklinikken.

Eventuelle sting og salvetampongar i munnen vert vanlegvis fjerna hos eigen tannlege etter 7-10 dagar dersom ikkje noko anna er bestemt.

Ver merksam

Ved fjerning av visdomstenner kan det oppstå betennelse og forstyrring i følesansen i halve underleppa, haka eller tunga. 

Råd etter kirurgiske inngrep i munnen

  • Unngå å ete/drikke dei første 2-3 timane etter inngrepet bortsett frå eventuelle smertestillande tablettar med drikke etter 30-60 minutt.
  • Unngå røyking dei første 6 timane.
  • Unngå sterk fysisk aktivitet som trening, jogging eller symjing den første veka.
Det vil normalt bli noko smerte, hevelse og gapeproblem dei første 3-5 dagane etter inngrepet. Det er også normalt med litt bløding eller blodblanda spytt dei første 1-3 dagane. For å sikre godt reinhald anbefaler vi å skylje med CORSODYL (reseptfritt på apotek) i 1 minutt morgon og kveld i ei veke.

Kontakt

Førde sentralsjukehus Kjevekirurgisk poliklinikk

Kontakt Kjevekirurgisk poliklinikk
En stor bygning med en stor plen foran seg

Førde sentralsjukehus

Svanehaugvegen 2

6812 Førde

Finn fram

Transport

Buss

Det går regelmessig rutebussar mellom Førde Sentralsjukehus og Førde Rutebilstasjon.

På nettsidene til skyss.no finn du bussruter med oversikt over stoppestadar og tider for Sogn og Fjordane.

Frå Førde er det også gode bussamband til Bergen, Oslo, Ålesund og Trondheim.

Flybuss

Det går direkte flybuss frå Førde Lufthamn Bringeland til Førde Sentralsjukehus for alle fly som landar. Bussen stoppar ved busstoppet på motsatt side av Vievegen, på austsida. Herfrå går flybussen til Førde Lufthamn Bringeland 75 minutt før alle flyavgangar.

Parkering

Det er mogleg å parkere gratis på sjukehusområdet for pasientar og besøkande.

Taxi

Drosjesentralen i Førde er om lag 100 meter frå Rutebilstasjonen. Ved behov er våre tilsette i resepsjonen tilgjengelege 24 timar i døgnet og kan bestille taxi til deg.

 

Praktisk informasjon

Ved Førde sentralsjukehus finn du Sjukehusapoteka Vest HF si avdeling i Sogn og Fjordane.

​​Apoteket gjev tilbod til alle nyutskrivne og polikliniske pasientar ved Førde Sentralsjukehus, samt alle tilsette og besøkande.  Sjukehusapoteket er altså open for alle.

På veg heim frå sjukehuset kan pasientar få med seg alt dei treng av legemiddel og utstyr for vidare behandling heime. I tillegg har apoteket eit stort og variert utval av reseptfrie legemiddel, hudpleiemiddel, kost- og ernæringsmiddel samt andre apotekvarer.

Apoteket gjer klar legemidla medan du ventar og gjev råd om korleis du skal bruke dei på rett måte.

Apoteket forsyner dei fleste avdelingane i Helse Førde med legemiddel, apotekvarer og farmasøytiske tenester og gjev farmasøytisk rådgjeving til mange kommunar i Sogn og Fjordane.

​For å få behandling ved sjukehus eller poliklinikk må du i utgangspunktet vere tilvist frå lege, kiropraktor eller manuell teapeut. Har du trong for legehjelp skal du ringe fastlegen din eller den kommunale legevakta.

Les meir om eigendelar på helsenorge.no

Mange pasientar og pårørande ønskjer å ta bilete eller video som eit minne frå tida på sjukehuset. Då kan det vere lurt å hugse nokre reglar.

​Det er sjølvsagt heilt greitt så lenge det er pasientane og/eller pårørande og vener som er på bileta.

Det er likevel ikkje lov å ta bilete av medpasientar eller tilsette. Vi har hatt tilfeller der bilete av medpasientar/tilsette er blitt publisert i digitale media utan deira godkjenning.

Vi håper alle viser respekt for personvernet til alle dei møter under besøket på sjukehuset og avgrensar fotografering til å gjelde eigen familie og vener.

​Ved Førde sentralsjukehus finn du kiosk der du kan kjøpe aviser og andre kioskvarer. Du kan også levere kupongar til Norsk Tipping sine spel.

Alle kantinene i Helse Førde er opne for tilsette, pasientar og pårørande.

​Kantinene på Lærdal sjukehus og Nordfjord sjukehus finn du i underetasjen. Dei har opningstid 10.30 - 14.30.

Hovudkantina ved Førde sentralsjukehus ligg i 2. etasje. Her får du kjøpt varm mat og mykje anna. Den har opent 07.30 - 20.00.
I Førde finn du også ein kafe i 1. etasje innanfor resepsjonen. Denne har opningstid  09.00 - 15.00. Her finn du kaffe, te, anna drikke, påsmurt og kaker m.m.

Kantina ved Indre Sogn psykiatrisenter er open alle kvardagar frå klokka 10.00-13.30.

Kantina på Tronvik er open for tilsette og bebuarar.

​Du kan nytte mobiltelefon ved sjukehusa. Vi oppfordrar likevel alle til å bruke mobilvett og ta omsyn til medpasientar.

Det er viktig å sette telefonen på stille om natta, og på stilleringing eller vibrering om dagen. Av omsyn til dei andre pasientane er det best å gå ut av rommet dersom du må ta ein lengre samtale.

Vi ber om at du inne på pasientrommet ikkje snakkar eller har lyd på mobilen i tidsrommet etter klokka 21.30 til klokka 08.00 neste dag.

Det er gratis trådlaust nettverk for pasientar, pårørande og besøkande på sjukehusa. Dette kan du kople deg til frå din smarttelefon.

Førde sentralsjukehus har sett av hundre parkeringsplassar berre for pasientar og pårørande. Er alle desse plassane opptekne, er det fleire parkeringsområde rundt Førde sentralsjukehus. Ledige plassar på desse områda kan òg nyttast av besøkande.

BLODGJEVARAR og RØRSLEHEMMA har eigne parkeringsplassar mellom anna framfor hovudinngangen og rundt om på sjukehuset sitt område. Dei som kan parkere her, har eige parkeringsløyve. Utan slikt løyve er parkering rekna som ugyldig.

Ordinær parkering for pasientar og pårørande:
Parkeringsplassen er inn frå Svanehaugvegen. Sjå blått område på kartet:

 

Kart over parkeringsplassar ved Førde sentralsjukehus

 

 

​I 6. etasje har Førde sentralsjukehus eige pasienthotell.

Pasienthotellet har 22 senger. Dei er fordelt på seks enkle rom og åtte doble rom. Alle romma er tilpassa rullestolbrukarar.

​Treng du nokon å snakke med? Sjukehuspresten er til for deg anten du er pasient eller pårørande. I møte med denne omsorgstenesta kan du finne ein «fristad» og ein plass å samle tankane. I samtale med sjukehuspresten er det tid og rom for både stort og smått.

Du treng ikkje ha kristen eller religiøs tru for å ta kontakt. Det er ditt liv og dine tankar som har fokus. Det er sjølvsagt og høve til klassiske prestetenester som mellom anna sermoniar og bøn.

Uansett kva du har på hjartet er sjukehuspresten tilgjengeleg for å møte deg, der det passar deg best. Det kan vere på telefon, prestekontoret, pasientrom, i kantina eller kanskje på ein benk ute.

Ta kontakt direkte med Helene Langeland på telefon 908 79 281, eller spør personalet om å tilkalle/avtale tid med prest.

Sjukehuspresten er primært tilgjengeleg i ordinær kontortid, men kan og tilkallast til andre tider.

Kontoret er på plan 2, første dør til høgre for inngangen til kantina.

Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).
  3. Les nøye gjennom vilkåra.
  4. Trykk "Godta" når du har lese og forstått vilkåra.
Innlogginga skjer automatisk på einingar etter første pålogging, så lenge kontoen er aktiv. Det skal berre vere nødvendig å logge seg på éin gong per eining per 31 dagar.
 

Akuttmedisin:
Etter avtale på telefon 57 83 90 82.

Barneavdeling:
Visittider sengeposten 5. etg: Kontakt personale på vaktrommet.

Kirurgisk:
Visittider sengepost 12.30-13.30 og 18.30-19.30.

Kreft:
Visittider sengepost: Har ikkje faste visittider. Ta kontakt med vaktrommet.

Kvinneklinikken:
Far eller medmor kan kome når dei ønskjer utanom kviletid klokka 13.00-15.00. Søsken til barnet og andre besøkande kan takast i mot utanfor avdelinga.

Medisinsk:
Visittider medisinsk sengepost 14.30-15.30 og 19.00-19.45. Til eineromma: Etter avtale.

Nevrologisk:
Ikkje fast visitttid. Pårørande og andre er alltid velkomne.

Ortopedisk:
13.30-16.00 og 17.30-19.30.