Vi tilrår at du alltid nyttar siste versjon av nettlesaren din.
logo Helse Førde

Brystvorte - tatovering

Rekonstruksjon av brystvorte er ein del av rekonstruksjon av bryst. Når det kirurgiske inngrepet er utført vil du mellom 8 og 12 veker etterpå få tilbod om tatovering. Det blir tatovert farge på brystvorta og området rundt.

Før

Alle sår og suturlinjer må vere fullstendig tilhela - minimum ei veke før tatovering blir utført. Ta kontakt i god tid i førekant av tatoveringa dersom du er i tvil om noko av dette eller du ønskjer å samtale med lege.

Det er ikkje naudsynt med noko smertelindring før tatoveringa. Men om du ønskjer, kan du kjøpe Emlakrem på apoteket. Kremen smører du over brystvorta som skal taoverast  omlag ein time før timen din på poliklinikken.

Vi setter opp to timar. Den første timen er for oppteikning og tatovering. 

Den andre timen er for eventuell etterfylling av tatoveringa. Hvis du er nøgd med resultatet etter den første tatoveringa må du avbestille den neste tatoveringstimen så fort som mogeleg.

Under

Tatoveringa føregår som følgjande:

  • Vi desinfiserer huda og har steril oppdekking. Om nødvendig kan vi setje lokalbedøving.
  • Farge blir ført inn i huda via eit tatoveringsapparat. Du skal ikkje kjenne smerte, berre berøring og vibrasjon.
  • Etter tatovering kan fargen sjåast kraftig rød. Fargen bleiknar i løpet av dei dagane, og 40-60% av fargen vil forsvinne i løpet av 4-10 dagar.
  • Det tatoverte området blir dekka til med bandasje. BH kan takast utanpå.







Etter

Det er lite eller ingen ubehag etter tatoveringa og du kan køyre bil heim etter timen.

Etterbehandling

For at tatoveringa skal gro så pent som mogeleg det viktig at du følger våre råd om etterbehandling.

  • Lat bandasjen sitte på i 24 timar for å beskytte huden mot infeksjonar.
  • Vask hendene og deretter tatoveringa med medisinsk grønsåpe eller intimsåpe, og tørk forsiktig av med reint handkle. Dette er for å fjerne restar av blod og overskuddssblekk etter behandlinga.
  • Skyll tatoveringa ein gang dagleg under rennande vatn. La gjerne tatoveringa lufttørke ein halv time før du smørar den. Eventuelt kan den bli klappa tørr med eit handkle. 
  • Skyll tatoveringen kvar dag den første veka. Vask hendene godt før du rører tatoveringa. Smør med egna krem 1-2 ganger dagleg. Vi anbefaler: Helosan, Bepanthen, A-krem eller ren Aloe Vera. 

Groperiode

Ein tatovering gror vanlegvis i løpet av 2-4 veker. Tatoveringa er ferdig grodd når huda kjennast matt, ikkje blank. Unngå: 
  • sterk sol og solarium i 6 veker, bruk eventuelt solkrem med høg faktor (spf 50) om du skal bli eksponert for sol
  • bading, badstue under groperioden. Husk på at ein tatovering er som eit åpent sår. Klor og saltvann kan i tillegg bleike tatoveringa. 
  • at dyr eller andre tar på tatoveringa under groperioden. 
Nokre dagar etter behandlinga vil skorpane begynne løsne og tatoveringa kan klø. Ikkje plukk eller klor på tatoveringa og skorpene. Vask eller smør tatoveringa i staden. 


Kontakt

Førde sentralsjukehus Kirurgisk poliklinikk

Kontakt Kirurgisk poliklinikk
En stor bygning med en stor plen foran seg

Førde sentralsjukehus

Svanehaugvegen 2

6812 Førde

Finn fram

Transport

Buss

Det går regelmessig rutebussar mellom Førde Sentralsjukehus og Førde Rutebilstasjon.

På nettsidene til skyss.no finn du bussruter med oversikt over stoppestadar og tider for Sogn og Fjordane.

Frå Førde er det også gode bussamband til Bergen, Oslo, Ålesund og Trondheim.

Flybuss

Det går direkte flybuss frå Førde Lufthamn Bringeland til Førde Sentralsjukehus for alle fly som landar. Bussen stoppar ved busstoppet på motsatt side av Vievegen, på austsida. Herfrå går flybussen til Førde Lufthamn Bringeland 75 minutt før alle flyavgangar.

Parkering

Det er mogleg å parkere gratis på sjukehusområdet for pasientar og besøkande.

Taxi

Drosjesentralen i Førde er om lag 100 meter frå Rutebilstasjonen. Ved behov er våre tilsette i resepsjonen tilgjengelege 24 timar i døgnet og kan bestille taxi til deg.

 

Praktisk informasjon

Ved Førde sentralsjukehus finn du Sjukehusapoteka Vest HF si avdeling i Sogn og Fjordane.

​​Apoteket gjev tilbod til alle nyutskrivne og polikliniske pasientar ved Førde Sentralsjukehus, samt alle tilsette og besøkande.  Sjukehusapoteket er altså open for alle.

På veg heim frå sjukehuset kan pasientar få med seg alt dei treng av legemiddel og utstyr for vidare behandling heime. I tillegg har apoteket eit stort og variert utval av reseptfrie legemiddel, hudpleiemiddel, kost- og ernæringsmiddel samt andre apotekvarer.

Apoteket gjer klar legemidla medan du ventar og gjev råd om korleis du skal bruke dei på rett måte.

Apoteket forsyner dei fleste avdelingane i Helse Førde med legemiddel, apotekvarer og farmasøytiske tenester og gjev farmasøytisk rådgjeving til mange kommunar i Sogn og Fjordane.

​For å få behandling ved sjukehus eller poliklinikk må du i utgangspunktet vere tilvist frå lege, kiropraktor eller manuell teapeut. Har du trong for legehjelp skal du ringe fastlegen din eller den kommunale legevakta.

Les meir om eigendelar på helsenorge.no

Mange pasientar og pårørande ønskjer å ta bilete eller video som eit minne frå tida på sjukehuset. Då kan det vere lurt å hugse nokre reglar.

​Det er sjølvsagt heilt greitt så lenge det er pasientane og/eller pårørande og vener som er på bileta.

Det er likevel ikkje lov å ta bilete av medpasientar eller tilsette. Vi har hatt tilfeller der bilete av medpasientar/tilsette er blitt publisert i digitale media utan deira godkjenning.

Vi håper alle viser respekt for personvernet til alle dei møter under besøket på sjukehuset og avgrensar fotografering til å gjelde eigen familie og vener.

​Ved Førde sentralsjukehus finn du kiosk der du kan kjøpe aviser og andre kioskvarer. Du kan også levere kupongar til Norsk Tipping sine spel.

Alle kantinene i Helse Førde er opne for tilsette, pasientar og pårørande.

​Kantinene på Lærdal sjukehus og Nordfjord sjukehus finn du i underetasjen. Dei har opningstid 10.30 - 14.30.

Hovudkantina ved Førde sentralsjukehus ligg i 2. etasje. Her får du kjøpt varm mat og mykje anna. Den har opent 07.30 - 20.00.
I Førde finn du også ein kafe i 1. etasje innanfor resepsjonen. Denne har opningstid  09.00 - 15.00. Her finn du kaffe, te, anna drikke, påsmurt og kaker m.m.

Kantina ved Indre Sogn psykiatrisenter er open alle kvardagar frå klokka 10.00-13.30.

Kantina på Tronvik er open for tilsette og bebuarar.

​Du kan nytte mobiltelefon ved sjukehusa. Vi oppfordrar likevel alle til å bruke mobilvett og ta omsyn til medpasientar.

Det er viktig å sette telefonen på stille om natta, og på stilleringing eller vibrering om dagen. Av omsyn til dei andre pasientane er det best å gå ut av rommet dersom du må ta ein lengre samtale.

Vi ber om at du inne på pasientrommet ikkje snakkar eller har lyd på mobilen i tidsrommet etter klokka 21.30 til klokka 08.00 neste dag.

Det er gratis trådlaust nettverk for pasientar, pårørande og besøkande på sjukehusa. Dette kan du kople deg til frå din smarttelefon.

Førde sentralsjukehus har sett av hundre parkeringsplassar berre for pasientar og pårørande. Er alle desse plassane opptekne, er det fleire parkeringsområde rundt Førde sentralsjukehus. Ledige plassar på desse områda kan òg nyttast av besøkande.

BLODGJEVARAR og RØRSLEHEMMA har eigne parkeringsplassar mellom anna framfor hovudinngangen og rundt om på sjukehuset sitt område. Dei som kan parkere her, har eige parkeringsløyve. Utan slikt løyve er parkering rekna som ugyldig.

Ordinær parkering for pasientar og pårørande:
Parkeringsplassen er inn frå Svanehaugvegen. Sjå blått område på kartet:

 

Kart over parkeringsplassar ved Førde sentralsjukehus

 

 

​I 6. etasje har Førde sentralsjukehus eige pasienthotell.

Pasienthotellet har 22 senger. Dei er fordelt på seks enkle rom og åtte doble rom. Alle romma er tilpassa rullestolbrukarar.

​Treng du nokon å snakke med? Sjukehuspresten er til for deg anten du er pasient eller pårørande. I møte med denne omsorgstenesta kan du finne ein «fristad» og ein plass å samle tankane. I samtale med sjukehuspresten er det tid og rom for både stort og smått.

Du treng ikkje ha kristen eller religiøs tru for å ta kontakt. Det er ditt liv og dine tankar som har fokus. Det er sjølvsagt og høve til klassiske prestetenester som mellom anna sermoniar og bøn.

Uansett kva du har på hjartet er sjukehuspresten tilgjengeleg for å møte deg, der det passar deg best. Det kan vere på telefon, prestekontoret, pasientrom, i kantina eller kanskje på ein benk ute.

Ta kontakt direkte med Helene Langeland på telefon 908 79 281, eller spør personalet om å tilkalle/avtale tid med prest.

Sjukehuspresten er primært tilgjengeleg i ordinær kontortid, men kan og tilkallast til andre tider.

Kontoret er på plan 2, første dør til høgre for inngangen til kantina.

Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).
  3. Les nøye gjennom vilkåra.
  4. Trykk "Godta" når du har lese og forstått vilkåra.
Innlogginga skjer automatisk på einingar etter første pålogging, så lenge kontoen er aktiv. Det skal berre vere nødvendig å logge seg på éin gong per eining per 31 dagar.
 

Akuttmedisin:
Etter avtale på telefon 57 83 90 82.

Barneavdeling:
Visittider sengeposten 5. etg: Kontakt personale på vaktrommet.

Kirurgisk:
Visittider sengepost 12.30-13.30 og 18.30-19.30.

Kreft:
Visittider sengepost: Har ikkje faste visittider. Ta kontakt med vaktrommet.

Kvinneklinikken:
Far eller medmor kan kome når dei ønskjer utanom kviletid klokka 13.00-15.00. Søsken til barnet og andre besøkande kan takast i mot utanfor avdelinga.

Medisinsk:
Visittider medisinsk sengepost 14.30-15.30 og 19.00-19.45. Til eineromma: Etter avtale.

Nevrologisk:
Ikkje fast visitttid. Pårørande og andre er alltid velkomne.

Ortopedisk:
13.30-16.00 og 17.30-19.30.