Utgreiing før tilvising av pasient med problemstilling ADD/ADHD
For å få ei mest mogleg smidig utgreiing, er det viktig at følgjande er avklart av primærlegen, før tilvising til poliklinisk behandling ved DPS dag:
- Klinisk somatisk undersøking, inkl. blodtrykk og orienterande nevrologisk undersøking.
- EKG
- Blodprøvar:
- Hb
- leukocyttar med maskinell diff.
- kreatinin
- ASAT
- ALAT
- GT
- ALP
- LD
- FT4
- TSH
Diagnosen er avhenging av at symptom debuterte før 7 års alder. Dessverre er det av og til vanskeleg å få gode komparentopplysningar om dette frå foreldra. I så fall kan primærlegen ha god kunnskap om ressurspersonar som kjenner pasienten frå tidlege barneår – til dømes barnehagepersonell, lærarar i barneskulen osv. Hvis primærlegen kan skaffe slike, er det svært verdfullt.
Utprøving av sentralstimulerande midlar krev tre månedar utan rus.
Sist oppdatert 07.03.2017