ISP Dag

Etter mottatt tilvising, vil du innan 10 dagar få eit brev frå oss. Dersom du får innvilga rett til helsehjelp, vil du motta eit brev med tilbod om første time, dato, klokkeslett og namn på behandlaren du skal møte. Får du avslag på rett til helsehjelp, vil vi gi råd om alternative tilbod som iblant kan vere betre eller like godt eigna som våre tilbod. 

Første time er ein vurderingssamtale der du og behandlar kartlegg behova dine og diskuterer om vi har tilbod som kan hjelpe deg vidare. Kva type behandling som kan høve for deg vil du og din terapeut blir samde om basert på kva som kjem fram i kartlegginga. Vi har eit tverrfagleg samarbeid både internt og med eksterne instansar for å gje eit best mogeleg tilbod.

På poliklinikken er vi eit tverrfagleg samansett fagmiljø. Vi har både spesialistar og terapeutar med kompetanse på ulike behandlingsmetodar. Mange har spesialisert seg ytterlegare på ulike typer psykiske lidingar (traume, ruslidingar, eteforstyrringar, kognitiv terapi, alderspsykiatri med meir).

Pasientar med psykiske lidingar er oftare enn andre utanfor arbeidslivet i lengre tid eller har aldri vore i arbeid eller tatt utdanning. Vi har difor tilbod om individuell jobbstøtte (IPS) der pasientar hjå oss kan få hjelp til å kome tilbake i arbeidsliv eller utdanning.

Om jobbspesialistane (PDF)