Psykisk helsevern

Psykisk helsevern og rustenestene har akuttavdeling for vaksne i Førde, og distriktspsykiatrisk senter i Førde og i Florø (poliklinikk), i Sogndal og på Nordfjordeid. Det er døgnpost i Førde, og ved Nordfjord og Indre Sogn psykiatrisenter. Tverrfagleg spesialisert rusbehandling (TSB) er fullt ut integrert i dei distriktspsykiatriske sentera, og døgnpost for TSB er lokalisert ved Nordfjord psykiatrisenter. Psykisk helsevern for barn og unge har poliklinikkar med tilbod tre stadar: Førde, Nordfjordeid og Sogndal. Ungdomspost psykisk helsevern (UPH) er fylkesdekkande institusjon for ungdom mellom 12 og 18 år.  Psykisk helsevern for vaksne, og for barn og unge, gjev raskt tilbod om vurdering i poliklinikk.