Vårmøte

Velkommen til Våryr pediatri!

4.-6. juni 2025 samlast vi i vakre Loen for inspirerande dagar fylt med fagleg påfyll, nettverksbygging og naturopplevingar. Barne- og ungdomsavdelinga i Førde inviterer til vårmøte, som i år blir arrangert ved praktfulle Hotel Alexandra, som ligg omkransa av vakker vestlandsnatur.

Et svømmebasseng med et fjell i bakgrunnen — Hotel Alexandra har eit fantastisk spa- og badeanlegg, både utandørs og inne, som er tilgjengeleg for gjestene.

Fagleg påfyll i spektakulære omgjevnadar

Loen er ein eksklusiv destinasjon, kjent for sine majestetiske fjordar, høge fjell og grønne dalar. Kombiner fagleg utbytte med fantastiske naturopplevingar. Dersom du ønsker å forlenge opphaldet gjennom helga, for å utforske området ytterlegare, så er det fullt mogleg å gjere det.

Tidspunkt: 4.-6. juni 2025
Stad: Hotell Alexandra, Loen

Det er viktig å melde seg på tidleg for å sikre plass, reise og overnatting.

Det blir gode tilbod for dei som ønsker å ha med seg følge.

Overnatting: Bestill rom på Hotel Alexandra i god tid. Klikk her for booking.
Påmelding: Sikre din plass via G-Travel. Meld deg på her.

Her finn du oversikt over fullt program og aktivitetar for årets vårmøte. Klikk deg inn på dei ulike dagane for å sjå aktuelt program for den dagen.

Merk at programmet er foreløpig, og at det kan komme til små endringar.

Registrering frå kl 09:30-10:00
Forkus frå kl 10:00-13:00
Lunsj kl. 13:00-14:00

Forkurs: Ultralydveileda vaskulære tilgangar
- Anders Batman Mjelle, barnelege/anestesi Haukeland universitetssjukehus
- Terje Knausgård, anestesilege Førde sentralsjukehus

Klinisk ultralyd (point-of-care-ultralyd) vert stadig meir brukt blant barnelegar. Eit av dei mest nyttige områda er ultralydveileda kanylering av blodårar for PVK, Midline eller PICC-line, kor ultralyd gjør det enkelt å kanylere små og store pasientar der det er vanskeleg eller umogleg å sjå eller kjenne tilgjengelege blodårer.

Vi arrangerer forkurs med dyktige instruktørar, der interesserte LIS-legar og spesialistar kan lære om, og øve på å kanylere ultralydveileda med stikking på fantomer og på kvarandre. Ein treng ingen forkunnskap, men det er ein fordel om ein på førhand kan øve på å finne blodårar med ultralydapparat der ein jobbar til vanleg. Ein ser det hensiktsmessig at deltakarar har tilgjengeleg utstyr for å kunne begynne å kanylere pasientar på eigen arbeidsplass etter vårmøtet.

PED015, 16 plassar
Romnr:

Forkurs: Tolking av blodgassar og væskebehandling
- Lars Edenberg, anestesilege Førde sentralsjukehus

Bli venn med blodgassen, og lær deg korleis du kan bruke den i kvardagen for å gjere livet som klinikar enklare. Eit tre timers interaktivt innføringskurs som gjer deg solid på blodgasser, Strong Ion Difference (SID) og væskebehandling. Veldig få av oss er godt nok kjende med blodgassen og korleis vi kan bruke den på best mogleg måte. Er det ubalanse i elektrolyttane sjølv om ingen lyser rødt? Kvifor er SID så viktig? Kva type væske bør ein bruke? Dette og meir vil du ha stålkontroll på etter kurset.

Dette kurset passar for LIS-legar og spesialistar. Vi kan nærmast garantere at dette er noko du vil ha stort utbytte av i den kliniske kvardagen din, og du vil sjå på blodgassen med nye auge.

PED 009, 20 plassar
Romnr:

Forkurs: Matoverfølsomhet med fokus på matallergi.
«Diagnostikk, oppfølging og behandlingsmoglegheiter»
- Jakob Larsson, barnelege og allergolog Førde sentralsjukehus, overlege ved Regionalt senter for astma, allergi og overfølsomhet (RAAO) Vest, Haukeland universitetssjukehus

Korleis følge ein pasient med matallergi? Når skal ein tenke på provokasjon? Korleis kan ein enkelt sette opp provokasjonsdosar? Må ein provosere, eller når kan ein prøve seg på «ladders»? Adrenalinpenn eller ikkje? Immunterapi mot matvarer i Noreg? Kva anbefalar europeiske guidelines?

Velkommen til eit spennande kurs med vår eigen dyktige allergolog.

PED 032, PED 034, 20 plassar
Romnr:

Kl. 13:00-14:00 - Lunsj/registrering

Kl. 14:00-14:15 - Opning av vårmøtet i Loensal 1

Kl. 14:15-15:15 - Ein tøff start
Ordstyrar:
Kl. 14:15-14:35	Med framtida i våre hender: Korleis kommuniserer vi med familier når prognosen er usikker	Astri Maria Lang, barnelege, Oslo universitetssjukehus
Kl. 14:35-15:00	HINE, ei praktisk tilnærming	Ulf Wike Ljungblad, barnelege, Vestfold sjukehus

Kl. 15:15-15:30 - Pause m/mat og registrering for nyankomne

Kl. 15:30-16:30 - Hovudbry
Ordstyrar:	Lea Larsen
Kl. 15:30-15:50	Kronisk migrene - kva skal vi gjere? PED 143	Gro Anita Gauslå, barnelege Oslo universitetssjukehus
Kl. 15:50-16:10	Spinalpunksjon ved høgt intrakranielt trykk- når er det trygt?	Gro Anita Gauslå
Kl. 16:10-16:30	Det urolege spedbarn	Erling Tjora, barnelege Haukeland universitetssjukehus

Kl. 16:30-18:00 - Interessegruppemøter

Kl. 18:30 - Get together på Hoven: Vi går samla frå hotellet

Kl. 20:00 Middag

Kl. 09:00-10:20 - Vitaminbjørnar
Ordstyrar:
Kl. 09:00-09:40	B12 og folatmangel, er det så viktig? PED 061	Ulf Wike Ljungblad
Kl. 09:40-09:50	Ein kasuistikk å lære av	Anders Bjørkhaug, barnelege, Førde sentralsjukehus
Kl. 09:50-10:20	Ferritin og vitamin D “mangel”? - kva skal ein gjer når ein først var dum nok og tok prøvene PED 061	Erling Tjora

10:20-10:45 - Pause

Kl. 10:45.12:00 - Liten, gul og skada
Ordstyrar:
Kl. 10:45-11:15	Nyfødte og spedbarn med dårleg vektoppgang PED 002	Tanja Pedersen barnelege, Haukeland universitetssjukehus
Kl. 11:15-11:40	Gulsott – Nye aspekt i behandlinga PED 130	Claus Klingenberg barnelege, Universitetssjukehuset Nord Norge
Kl. 11:40-12:00	Seinskader etter alvorlege infeksjoner hos nyfødte PED 124	Claus Klingenberg

Kl. 12:00-13:00 - Lunsj

Kl. 13:00-14:00 - Kvifor hostar barnet?
Ordstyrar:
Kl. 13:00-14:00	Småbarnshosten - ulike perspektiv og differensial diagnostiske vurderingar	Knut Øymar barnelege, Stavanger universitetssjukehus Carina Saunders barnelege, Oslo universitetssjukehus

Kl. 14:00-14:20 - Pause

Kl. 14:20-15:20 - Frie foredrag (10 minutt kvar), Loensal 3

Kl. 15:20-15:35 - Kort pause med ein liten matbit

Kl. 15:35-16:35 - Frie foredrag (10 minutt kvar), Loensal 3

Kl. 16:45-18:00 - Styrets halvtime og årsmøte, Loensal 3

Kl. 19:30 - Festmiddag, Loensal 1

Kl. 09:00-10:20 - Kvardagspediatri
Ordstyrar:
Kl. 09:00-09:20	Korleis kommuniserer vi når noko har gått gale	Hege Kristiansen barnelege, Førde sentralsjukehus
Kl. 09:20-10:00	Søvnproblem og behandling hos barn	Karoline Loede barnelege, og nevrofysiolog Stavanger universitetssjukehus
Kl. 10:00-10:20	Barnegynekologiske problemstillingar	Ingvild Menes Sørensen barnelege, Oslo universitetssjukehus

Kl. 10:20-10:40 - Pause

Kl. 10:40-11:25 - Ein kropp i ubalanse
Ordstyrar:
Kl. 10:40-11:20	Ein praktisk tilnærming til elektrolyttforstyrringar PED 009	Hans Jørgen Guthe barnelege, Haukeland universitetssjukehus

Kl. 11:20-11:30 - Pause

Kl. 11:30-12:30 - Einar
Ordstyrar:
Kl. 11:30-12:10	Korleis følge opp den sammensatte pasienten PED 005	Einar Bryne barnelege, Vestfold sjukehus
Kl. 12:10-12:30	Einar si siste reise	Anders Bjørkhaug

Kl. 12:30- 12:40 - Avslutning. Oslo/Akershus presenterer pediaterdagane 2026

Kl. 12:40-13:40 - Lunsj

Kl. 13:45 - Via Ferrata for dei som ynskjer det: Oppmøte Loen Active. Ferdig omlag kl 19:00

Kl. 14:20/30 - Heimreise. Felles avgang buss Ørsta/Volda kl. 14:30 og Sandane kl. 16:00

Vi tek forbehald om endringar i programmet.

Under vårmøtet har vi mange kjekke sosiale arrangement som vi håpar de har lyst å vere med på.

Get together 4. juni på spektakulære Hoven restaurant. Hit kjem vi med Loen Skylift.

Loen Skylift er ei av dei brattaste banene i verda og løftar deg tusen meter nesten rett opp – til restauranten på kanten av fjellet Hoven. Her oppe kjem du i nærkontakt med den mektige naturen. Anten du sit inne i det komfortable amfiet i restauranten, står oppe på taket eller går tur i fjellheimen her oppe får du ei naturoppleving på kanten av det du trudde var mogleg. Norges lettaste topptur

Vi går samla til Loen Skylift rundt kl 18:30-18:45, eventuelt kan dei som vil ta bana opp tidlegare på ettermiddagen. På Restaurant Hoven vil det bli servert ein fantastisk burger med pommes frites.

Ettersom vi spelar på "reality-konseptet", så høyrer det jo med å ha ein liten konkurranse som del av underhaldninga. Spoiler: Teambuilding. Dette vil du heilt klart ikkje gå glipp av!
Festmiddag 5. juni går føre seg i Loensal 1, der vi får eit nydeleg tre retters festmåltid i tillegg til 2 glas vin/eventuelt anna drikke til maten. Det blir underhaldning og dans til langt utpå natta. Årets fest blir med andre ord ein skikkelig helaften, og det er ingen grunn til å ikkje bli med.
Via Ferrata Loen: Til dei som fortsatt sit inne med litt energi etter møtet på fredag, tilbyr vi ein tur opp Via Ferrata Loen. Vi har fått våre eigne guider og møter opp ved Loen Active kl 13:45. Turen tar ca 5-6 timer, men kan gå mykje raskare for dei som er godt trent. Merk: bindande påmelding frå 1. juni.

Meir informasjon om Via Ferrata og rutene finner du her: Via Ferrata Loen, Stryn, Nordfjord — Loen Skylift

Påmelding til dei ulike arrangementene her.

Ei oppleving for livet!

Kombiner jobb og fornøyelse i ein av dei vakraste regionane i Norge. Enten du vel å fly eller køyre, er reisa til Loen ein del av opplevinga. Unn deg sjølv og følge ditt ei unik oppleving med våryre dagar på Vestlandet.

Slik kjem du deg til Loen

Dette er ein eksklusiv destinasjon, så det gjeld å vere tidleg ute for å sikre seg flybillett før alle turistane tek dei. Det går fly til Ørsta/Volda og Sandane. Derifrå er det omlag 1 time å køyre til Loen.

Vi anbefalar dei som kan køyre om å gjere det. Fyll opp bilen med gode kollega, og bli godt kjende medan ein får masse gode naturopplevingar med seg på vegen.

Buss til og frå flyplassene:

Vi set opp buss til og frå flyplassane som vist nedanfor. Du kan tinge plass til buss på G-Travel sine sider. Utanom dette må ein ordne transport sjølve.

03. juni kl 20:45 frå Volda
04. juni kl 12:30 frå både Volda og Sandane
06. juni blir det transport til Volda flyplass frå Alexandra kl 14:30, og til Sandane flyplass kl 16:00.