Døgnrytme/måltid
Identitetsband på handleddet gjer at du kan forsyne deg med mat i kantina i 2. etasje og i pasientkafeéen i 4. etasje. Personalet hjelper deg sjølvsagt med matservering ved behov. Kveldsmat blir servert i pasientkafeen i 4. etasje.
Følgje/pårørande må ta med eller kjøpe eigne måltid i kantina i 2. etasje eller i kafèen i 1. etasje. Det er også mogleg å kjøpe seg kaffi i pasientkaféen i 4. etasje.
Er du som pasient i avdelinga i form til det, oppfordrar vi dykk som par å ete saman i kantina i 2. etasje.
Matservering for Kvinneklinikken
Kvardagar:
Frukost klokka 08.00-10.00
Lunsj klokka 11.30-12.30
Middag klokka 15.00-16.00 (til klokka 16.30 i 2. etasje)
Kveldsmat blir servert i avdelinga
Helg og sommarferie:
Frukost klokka 08.00-10.00
Middag klokka 12.00-13.30 (til klokka 15.00 i 2. etasje)
Kveldsmat blir servert i avdelinga
Rom/Pasienthotell
Kvinneklinikken har enkeltrom med ekstra seng til følge/pårørande. Det er stellebord og bad med WC/dusj på alle rom. Du som følge/pårørande får inn sengekle, dyne og pute. I gangen kan dykk finne handkle og anna som ein treng for deg sjølv og stell av barnet. Det er QR-kode på rommet med informasjon om avdelinga.
Kvinneklinikken som undervisningsavdeling
Kvinneklinikken er ein utdanningsinstitusjon. Dette betyr at du som pasient kan møte medisinar-, jordmor- og sjukepleiarstudentar under utdanning, og desse vil kunne vere involvert i di behandling.
Bruk av mobiltelefon:
Vi ber pasientar å ta omsyn til andre pasientar på rom og i avdelingen ved bruk av mobiltelefon. Hos oss har vi mange slitne og trøytte kvinner etter operasjonar og fødsel som trenger mykje ro og kvile.
Les meir om trådlaust internett