Eit tilbod til barselkvinner i Nordfjord
Videosamtalar med barselkvinner
Etter at de har komne heim frå sjukehuset, vil jormor gjerne høyre korleis det går i den nye kvardagen. I Nordfjord tilbyr vi no at du kan møte jordmor der du er, og ta barselsamtalen på video.
Møt jordmor der du er
Barselkvinner i Gloppen, Stad og Nordre Kinn har i dag ingen tilbod om tidleg heimebesøk av jordmor. No kan derimot alle barselkvinner i Nordfjort gjennomføre barselsamtale over video.
Jordmor vil gjerne høyre korleis kvardagen går med den nye familien, utan at du treng å forlate heimen. Gjennom ein videosamtale kan jordmor gje råd og rettleiing, samt høyre korleis det går med familien etter at de kom heim frå sjukehuset.
Kva er ein videosamtale:
- eit valfritt tilbod med hensikt å trygge dei første dagane heime
- går føre seg 1-2 dagar etter at de kjem heim
- varer i omlag 45 minutt
- oppkobling via Helsenett på mobil eller nettbrett
- fortinnsvis med jordmor som har har fulgt den fødande gjennom svangerskapet
Tema for samtalen
Tema for samtalen kan tilpassast etter den enkelte sitt behov, men vi er typisk innom følgjande tema:
- Amming
- Psykisk helse
- Barnet si helse
- Fysisk miljø
- Normal barseltid
- Andre spørsmål som er aktuelt å avklare
Det kan vere vi vil be deg vise oss ammesituasjonen, men dette er sjølvsagt valfritt.