God start Nordfjord sjukehus
Ammepoliklinikk
Ammepoliklinikken er eit gratis lågterskeltilbod til deg som treng hjelp med amming, og barn som får mat med flaske. Du møter sjukepleiarar og jordmødre med spesialkompetanse i amming, og vi vil følgje deg tett opp i mammarolla. Vi hjelper deg med både små og store utfordringar knytt til amming eller flaskemating.
Kva kan vi hjelpe deg med?
Etter at du har reist heim frå sjukehuset opplever mange at kvardagen og mating av barnet kan vere utfordrande, og nye spørsmål dukkar ofte opp. Nokre mødre har tidlegare hatt utfordringar med amming eller har andre behov som krev ein god ammeplan. Då kan det vere nyttig å få rettleiing.
- Kartlegge årsak til problemer, finne løysinger og tilby oppfølging
- Delamming/fullamming
- Pumping
- Flaskemating
- Ammeplan
- For lite eller for mykje melk
- Tilstoppa melkegangar og brystbetennelse
- Smertefull amming
- Anna
Vi følgjer FHI sine faglege retningslinjer for amming.
Bestill time
Vi har ammepoliklinikk kvar onsdag frå kl 12.00-15.00. Du treng ikkje tilvising for å komme. Ta direkte kontakt med oss på God start Nordfjord, på telefon 57 86 42 00, for timebestilling.