Personalet som arbeider fast ved seksjonen er i hovudsak anestesisjukepleiarar operasjonssjukepleiar og sjukepleiar. Vi har eit godt tverrfagleg samarbeid med operatørar og anestesilegar. Vi har god logistikk og eit godt samarbeid mellom dei ulike avdelingane på sjukehusa.
Ulike formar for smertelindring og narkose blir nytta for at pasienten skal ha det best mogleg under og etter inngrepet.
Vi er stolte over å ha mange dyktige medarbeidarar i dei ulike avdelingane, som kan gje den beste behandlinga innanfor sine fagfelt!
Vi jobbar kontinuerlig med å oppretthalde høg pasienttilfredsheit i avdelinga.
Førde sentralsjukehus
Dagkirurgisk senter ligg i avdeling for akuttmedisin attmed hovudheisane i 2. etasje.
Det er ei eining som ligg nær intensiv, anestesi og operasjonsavdelinga, med dedikerte personale. Alle dagkirurgiske pasientar som skal til eit kirurgisk inngrep samt pasientar som skal innleggast i etterkant, møter på dagkirurgisk senter.
Du møter i ekspedisjonen i 2 etg. og blir registrert av serviceinnstilte sekretærar.
Nordfjord sjukehus
Du møter i ekspedisjonen i 1. etasje og blir registrert av serviceinnstilte sekretærer. Derfrå vert du følgt til operasjonsavdelinga som ligg i 2.etasje. Operasjonsavdelinga er tilrettelagt for effektiv pasientlogistikk. I førebuingsarealet som også blir brukt til oppvakningsareal, brukar vi kvilestolar.
Anestesitilsyn
De ulike sjukehusa i Helse Førde kan sende pasientar til NSH for å ta anestesitilsyn, då NSH har anestesilege til ei kvar tid.
Ulike fagområder
Dagkirurgen på NSH utfører inngrep innan følgjande fagområde: ortopedi, urologi og auge.
Dagkirurgiske pasientar ved NSH skal være friske og ikkje ha ein underliggande sjukdom. Barn må vere over 15 år. I tillegg kan vekta (BMI) ikkje vere over 35. Dette blir vurdert for kvar pasient.
Logistikk
Pasientane blir ringt opp før time for å gå gjennom ei sjekkliste. Første virkedag etter inngrepet vert du ringt opp igjen og då ønskjer vi å høyre korleis du har det, og om det er noko du har spørsmål om.