Gode helsetenester til den sårbare eldre pasienten
Fagleg mål
Ha fokus på den eldre pasienten i spesialisthelsetenesta, bygge kompetanse i geriatrifaget og styrke engasjementet med arbeid for eldre.
Ansvarlege
Ansvarleg for fagdagen er medisinsk klinikk og SESAM. Eva Søgnen er representant for medisinsk avdeling og Greta Gard Endal er representant for SESAM.
Med oss i planleggingsgruppe har vi sjukepleier Anja Selstad frå ortopedisk avdeling,Simone Mader, overlege ortopedi, Mariann Kapstad som sjukeheimsoverlege, sjukepleier Marianne Guddal frå medisinsk sengepost og Toril Terum frå Utviklingssenteret for heimetenester og sjukeheimar – USHT.
Kven kan delta
Tilsette i Helse Førde er prioritert til fagdagen. Det går også ut invitasjon til fastlegar i Helse Førde sitt område. Så langt det er plass er tilsette i heimetenester og sjukeheimar i området velkommen. Det vil bli mogleg å følgje fagdagen digitalt.
Fagleg utbytte
Fagdagen er søkt godkjent teljande med 6 timar til klinisk stige i NSF og Lægeforeningen.
I Lægeforeningen gjeld søknaden godkjenning for emnekurs i allmennmedisin, geriatri og alders- og sjukeheimsmedisin.
Pris
Fagdagen er gratis for alle.
Lunsj
Det vil bli servert enkel lunsj frå kantina. Har du allergiar i forhold til mat er det fint om du nemner det ved påmelding.
Program
***
08.00 - 08.45
Kva skjer i hjernen ved delirium, og korleis skal vi finne ut av det?
Leiv Otto Watne, overlege i geriatri, Ahus. Professor i geriatri, UiO
08.45 - 09.00
Pause
09:00 - 09:45
Demens eller delirium, eller begge deler?
Leiv Otto Watne, overlege i geriatri, Ahus. Professor i geriatri, UiO
09.45 - 10.00
Pause
10.00 - 10.30
Miljøtiltak i forhold til delirium
Hilde Rydland Marianayagam, Sjukepleier/ Marte Meo veileder, SUS
