For Helse Førde og byggeprosjektet Nye Førde sjukehus er slike besøk også viktige. Helse Førde har jobba med prosjektet sidan 2015, og Norconsult som rådgjevar har følgt oss nesten like lenge. Når eit prosjekt går over så mange år som vårt, er det nyttig å ta ein fot i bakken og få stadfesta at vi framleis spelar på same lag og har dei same ambisjonane.

- Førsteinntrykket er at det ikkje ser ut som eit sjukehus. Då eg kom inn i bygget møtte eg ein god atmosfære, seier konserndirektør for regionane i Noreg, Vegard Jacobsen. - Eg la mellom anna merke til at ein hadde løyst problematikken med innsyn og behovet for skjerming utan at ein tok bort lyset. 

– Det som overraska meg mest var at det ikkje var kameraovervaking i fellesareala der pasientar oppheld seg. Det er ikkje uvanleg i andre bransjar, som t.d. industrien. Kameraovervaking er jo tillate der det kan vere fare for liv og helse, og likevel var det i Dagabygget lagt opp til menneskeleg overvaking, sa adm. direktør og konsernsjef i Norconsult Egil Hogna.  - Hovudinntrykket er at Dagabygget er godt løyst, sjølv om det er mindre ting gjennom brukarerfaring har avdekka som kunne ha vore gjort annleis.​

- Styresmaktene har tilført mykje pengar for å motverke konsekvensane ved pandemien. No blir dette stramma inn, vi ser høgare rente, auka prisar på byggematerialar og redusert tilgang til varer. Dette krev evne til å omstille seg, seier Egil Hogna. - Vi trur ikkje at denne situasjonen vil føre til dramatiske endringar for "Livaprosjektet" eller byggeprosjekt generelt i Noreg no. Men det kan bli behov for å snu seg raskt for å finne erstatningsløysingar.